കാറ്റ് കഥ പറയുന്ന സ്ഥലത്തേക്ക് ഒരു യാത്ര

budget on wheels ramakkalmedu

 

രാമക്കൽമേട്

വ്യത്യസ്തമായ യാത്രകൾ ആഗ്രഹിക്കുന്നവർ തീർച്ചയായും സന്ദർശിക്കേണ്ട ഒരു സ്ഥലമാണ് ഇടുക്കി ജില്ലയിലെ രാമക്കൽമേട്‌ .പശ്ചിമഘട്ട മലനിരകളിലായി സമുദ്ര നിരപ്പിൽ നിന്ന് 3500 അടി ഉയരത്തിലാണ് രാമക്കൽമേട്‌ സ്ഥിതിചെയ്യുന്നത് .ഇത്രയും  ഉയരം കിഴടക്കി രാമക്കല്മേടിന്റെ ഉച്ചിയിൽ എത്തിയാൽ തമിഴ്‌നാടിന്റെ സൗന്ദര്യം കാണാം

കേരളത്തിലെ മലമുകളിൽ നിന്ന് തമിഴ്നാട് നോക്കികാണുന്നതിന്റ്റെ ത്രില്ല് അവിടെ ചെന്നാൽ മാത്രമേ അറിയാൻ കഴിയുകയുള്ളു .വിമാനത്തിലെ വിൻഡോയിലൂടെ ഭൂമിയിലെ കാഴ്ചകൾ കാണുന്ന അതേ അനുഭൂതിയായിരിക്കും ഇവിടെ എത്തിയാൽ നിങ്ങൾക്ക് ഉണ്ടാവുക .ചരിത്ര പ്രധാന്യമുള്ള ഈ മലനിരയിലേക്ക് നിരവധി സഞ്ചാരികളാണ് എത്താറുള്ളത് 

 രാമക്കൽമേടിലെ കയറ്റം കയറിയെത്തുന്നത് ലോകത്തിന്റെ അറ്റമെന്ന് തോന്നിക്കുന്ന ഒരു പർവതവക്കിലേക്കാണ് .പശ്ചിമഘട്ടം അവിടെ അവസാനിക്കുന്നതുപോലെ തൊട്ടുമുന്നിൽ കിലോമീറ്ററുകളോളം ദൂരം അഗാതമായികിടക്കുന്നു.പാർവതച്ചുവട്ടിൽ നിന്നും മറ്റൊരു ലോകം ആരംഭിക്കുന്നത് പോലെ ,നോക്കെത്താ ദൂരത്തോളം സമതലത്തിൽ ചതുരാകൃതിയിൽ പാടങ്ങൾ ,തെങ്ങിൻ തോപ്പുകളും  നാരകത്തോട്ടങ്ങളും   മുന്തിരിയും നിലക്കടലയും വിളയുന്ന കൃഷിയിടങ്ങൾ.

ദൂരെ ആകാശത്തിന്റെ അതിരോളം പടർന്നുകിടക്കുന്ന താഴ്വര .പച്ചപ്പിന്റെ ചതുര പാടങ്ങൾക്കിടയിൽ തീപ്പെട്ടിക്കൂടുപോലെ വീടുകൾ .തമിഴ് നാടിന്റെ കൃഷിയിടങ്ങളും എല്ലാം ഒരു ക്യാൻവാസിൽ കാണുന്ന പ്രതീതിയാണ് കുന്നിന്റെ മുകളിലെ കാഴ്ചയിലൂടെ ലഭിക്കുന്നത്.തേവാരം ,കമ്പം തുടങ്ങിയ പട്ടങ്ങളുടെ ഇവിടെ നിന്ന്  നമുക്ക് കാണുവാൻ സാധിക്കും .തെളിഞ്ഞ കാലാവസ്ഥയാണ് എങ്കിൽ മധുരയുടെ സാന്നിധ്യവും കണ്ടനുഭവിക്കാം.ഇവിടുത്തെ മറ്റൊരു പ്രധാനപ്പെട്ട കാഴ്ചയാണ് സൂര്യാസ്തമയം

രാമക്കൽമേട് എന്ന് കേൾക്കുമ്പോൾ തന്നെ ആദ്യം. ഓർമ്മവരുന്നത് എല്ലായിപ്പോഴും നിലക്കാത്ത കാറ്റാണ്  ,ഇന്ത്യയിൽ ഏറ്റവുമധികം കാറ്റുവീശുന്നത് ഇവിടെയാണ്  സാധാരണയായി  മണിക്കൂറിൽ 32.5 കിലോമീറ്റർ വേഗതയാണ് ഇവിടുത്തെ കാറ്റിന് ഉള്ളത് .എന്നാൽ 100 കിലോമീറ്റർ വേഗത്തിലും  കാറ്റ്  ഇവിടെ വീശാറുണ്ട് .അതുകൊണ്ടുതന്നെ ഇവിടെ ധരാളം കാറ്റാടിയന്ത്രം ഉണ്ട് .

ഐതിഹ്യവും ചരിത്രവും ഏറെ പറയുവാനുള്ള ഒരിടമാണ് ഇടുക്കിയിലെ പ്രധാനപ്പെട്ട വിനോദസഞ്ചാര കേന്ദ്രങ്ങളിൽ ഒന്നായ രാമക്കൽമേട്
കേരള-തമിഴ് നാട് അതിർത്തിയിൽ സ്ഥിതി ചെയ്യുന്ന ഇവിടം ഒരു പക്ഷിയുടെ കണ്ണിൽ നിന്ന് കാണുന്ന പോലെ 360 ഡിഗ്രി കാഴ്ചയാണ് ഇവിടെ എത്തുന്ന സഞ്ചാരികൾക്കായി കാത്തുവെച്ചിരിക്കുന്നത്

പുരാണങ്ങളുമായി ബന്ധപ്പെട്ട സ്ഥലമായതിനാൽ രാമക്കൽമേടിന് ധരാളം കഥകൾ പറയുവാനുണ്ട് .രാമന്റെ വനവാസക്കാലത്ത് സീതയെ രാവണൻ തട്ടികൊണ്ട് പോയപ്പോൾ രാമൻ ഇവിടെ അന്വേഷിച്ച് വന്നിരുന്നുവത്രെ .അപ്പോൾ രാമന്റെ കാൽപ്പാദം ഇവിടെ പതിഞ്ഞുവെന്നാണ് കഥ. അങ്ങനെയാണ്" രാമൻ കാൽ വെച്ച ഇടം "എന്ന അർത്ഥത്തിൽ ഈ സ്ഥലത്തിന് രാമക്കൽമേട് എന്ന പേര് ലഭിച്ചത് . 

എത്ര തവണ ഇവിടെ എത്തിയാലും,എത്ര സമയം ചിലവഴിച്ചാലും തീരാത്ത കാഴ്ച്ചകളാണ് ഈ സ്ഥലത്തിന്റെ ഒരു പ്രത്യേകത.കാറ്റാടി യന്ത്രങ്ങളും കൃഷിയിടങ്ങളും കുറവൻ കുറുത്തി  പ്രതിമയും പാറക്കൂട്ടങ്ങളുമൊക്കെയാണ് ഇവിടുത്തെ പ്രധാന ആകർഷണം

ഒന്നിനു മുകളിൽ ഒന്നായി അടുക്കിവെച്ചപോലെ കാണപ്പെടുന്ന പാറക്കെട്ടാണ് ഇവിടുത്തെ കല്ലുമ്മേക്കല്ല്.വനവാസകാലത്ത് പാണ്ഡവന്മാർ ഇവിടെ വന്നപ്പോൾ ഭ്രൗപതിക്ക് മുറുക്കാൻ ഇടിച്ചു കൊടുക്കാൻ ഭീമസേനൻ ഉപയോഗിച്ചതാണ് ഈ കല്ല് എന്നാണ് വിശ്വാസം .മഴ ഉള്ള സമയത്ത് ഇങ്ങോട്ടുള്ള യാത്ര ഒഴിവാക്കുന്നതാണ് നല്ലതു .പാറയിൽ നല്ല വഴുക്കൽ ഉള്ളത് കൊണ്ടാണ് ഇങ്ങനെ പറയുന്നത്

എത്തിച്ചേരാൻ 
ഇടുക്കി ജില്ലയിലെ നെടുങ്കണ്ടത്തുനിന്നും 14 കിലോമീറ്റർ അകലെയാണ് രാമക്കൽമേട് സ്ഥിതിചെയ്യുന്നത് , കട്ടപ്പനയിൽ നിന്ന് 20 കിലോമീറ്റർ ,മുന്നാറിൽ നിന്നും 74 കിലോമീറ്റർ അകലെയാണിവിടം
കോട്ടയത്തുനിന്നും വരുന്നവർക്ക് ഇരാറ്റുപേട്ട ,വാഗമൺ ,കട്ടപ്പന ,നെടുങ്കണ്ടം ,തൂക്കുപാലം വഴി രാമക്കൽമേടിലെത്താം 124 കിലോമീറ്റർ ഈ വഴി സഞ്ചരിക്കണം 

Rmakkalmedu

country                      :India

state                           :Kerala

district                       :Idukki

Elevation                   :981m

Area code                  :04868

Vehicle  registration   :KL-69,

                                   :KL-37