പതഞ്ഞൊഴുകുന്ന സുന്ദരിയെ കാണാൻ .....

 Travel on wheels @ Athirapilly waterfall

 അതിരപ്പിള്ളി വെള്ളച്ചാട്ടം

                 പ്രകൃതിയുടെ ലഹരി ആവോളം ആസ്വദിച്ച് മനം കുളിർപ്പിക്കാൻ പറ്റിയ ഒരു ഇടം, കുളിരുന്ന  കാഴ്ചയും മനം നുകരുന്ന ഒരു പിടി  ഓർമയുമാണ് അതിരപ്പിള്ളി .ഈ സുന്ദരിയെ കാണാൻ മഴക്കാലത്ത് നിരവധിപേരാണ് എത്തുന്നത് .രൗദ്രഭാവത്തിൽ നിറഞ്ഞു കവിഞ്ഞൊരുക്കുന്ന ചാലക്കുടിപ്പുഴ കരിമ്പാറക്കൂട്ടങ്ങളെ തഴുകി തലോടി താഴേക്ക് പതിക്കുമ്പോൾ അതിരപ്പിള്ളി വെള്ളച്ചാട്ടം അതിന്റെ പൂർണ സൗന്ദര്യത്തിൽ നിറഞ്ഞു നിൽക്കുന്നു 

തൃശൂർ ജില്ലയിലെ ചാലക്കുടിയിൽ  സമുദ്രനിരപ്പിൽ നിന്ന് 1000 അടിയോളം ഉയരത്തിലാണി മനോഹാരിത തുളുമ്പുന്ന വെള്ളച്ചാട്ടം നിലകൊള്ളുന്നത് . പാറക്കെട്ടുകൾക്കിടയിലൂടെ പതഞ്ഞൊഴുകുന്ന ചാലക്കുടിപ്പുഴ 80 അടിയോളം താഴ്ച്ചയിലേക്ക് വന്ന് പതിക്കുന്ന കാഴ്ച്ച  അത് വേറൊരു അനുഭൂതിതന്നെയാണ്

 കാലവർഷം കനക്കുന്നതോടെ അതിരപ്പിള്ളി വെള്ളച്ചാട്ടത്തിന്റെ സൗന്ദര്യം  നുകരാൻ വരുന്ന സഞ്ചാരികളുടെ ഒഴുക്കാണ് .ആർത്തലച്ചു വരുന്ന വെള്ളച്ചാട്ടവും പച്ചപ്പിന്റെ ഭംഗി അസ്വദിച്ചുള്ള യാത്രയും ഏതൊരു സഞ്ചാരിയുടെയും മനം കവരും മഴക്കാല യാത്രകളിൽ കാടും കാട്ടാറും നൽകുന്ന അനുഭൂതിയൊന്നു വേറെ തന്നെയാണ്  

ഹുങ്കാരത്തിൽ കുത്തിയൊലിച്ചിറങ്ങുന്ന വെള്ളച്ചാട്ടത്തിന്റെ അഴക് മിക്ക കാഴ്ച്ചക്കാരും ദൂരെ നിന്നു ആസ്വദിക്കുകയാണ് പതിവ് .നിറഞ്ഞു പതഞ്ഞൊഴുകുന്ന അതിരപ്പിള്ളി വെള്ളച്ചാട്ടത്തിന്റെ ഹൃദയം തൊട്ടറിയണമെങ്കിൽ അതിന്റെ പതനസ്ഥാനത്തുതന്നെ പോകണം .പച്ചപ്പണിഞ്ഞ കാട്ടുവഴിയിലൂടെ  നടന്ന് താഴെയെത്തുമ്പോൾ ആർത്തലച്ചെത്തുന്ന വെള്ളച്ചാട്ടത്തിന്റെ രൗദ്രഭാവം അടുത്തറിയാം പരസ്പരം പറയുന്നത് പോലും മനസിലാക്കാൻ സാധിക്കാത്തത്ര ശബ്ദത്തിലാണ് വെള്ളം പതിക്കുന്നത് .ഇവിടം ശെരിക്കും ഒരു അപകടമേഖലാതന്നെ ആണ് .

നിഗുഢ വനവും,ജൈവസമ്പത്തിന്റെ  ഒരു കാലവറകൂടിയാണ് അതിരപ്പിള്ളി .പ്രകൃതിയുടെ  എല്ലാ ചേരുവകളും ചേർന്ന ഭൂമിയാണിവിടം , ഒരു ഭാഗത്ത് വനത്തിന്റെ സൗന്ദര്യം  മറുഭാഗത്ത്  വെള്ളച്ചാട്ടത്തിന്റെ പശ്ചാത്തലത്തിൽ ഫോട്ടോ എടുക്കുന്നവരുടെ തിരക്കും . അതിരപ്പിള്ളിയുടെ മുഴുവൻ സൗന്ദര്യവും ആസ്വദിക്കണമെങ്കിൽ മഴയുള്ള സമയത്ത് തന്നെ വരണം എന്തായാലും അതിരപ്പിള്ളി സഞ്ചാരികളുടെ ഒരു പ്രധാന സന്ദർശന സ്ഥലം തന്നെ ആണ്  

Athirappilly waterfall

Country                India

State                     Kerala

District                 Thrissur 

Elevation             1000 feet 

Area                     489 square kilometer 

Pin code               680721

Elevation of Athirappilly waterfall 80 meter

Best time to vist Athirappilly waterfall monsoon   

  

കാറ്റ് രാജാവായി വിലസുന്ന ഒരു നാട് kattadikkadavu

Travel on wheels @ kattadikkadavu

 

 കാറ്റാടിക്കടവ്

വെള്ള പട്ടു പുതപ്പിനിടയിലൂടെ ഓടി മലനിരകളിൽ ഒളിക്കുന്ന സുര്യനെ കണ്ട്.........      

ചൂളം അടിച്ചെത്തുന്ന കാറ്റിനോട് കൊതിതീരും വരെ കിന്നാരം പറഞ്ഞും ..................
കോടമഞ്ഞ് ഒരു പുകമറ തീർക്കുന്ന പ്രകൃതിയുടെ ഈ കാഴ്ച്ചപ്പൂരുംഎത്ര ആസ്വദിച്ചാലും മതിവരുകയില്ല 

ഇടുക്കി ജില്ലയിൽ തൊടുപുഴക്ക് സമീപം സമുദ്ര നിരപ്പിൽ നിന്നും 2864 അടി ഉയരത്തിൽ സ്ഥിതി  ചെയ്യുന്ന മലനിരയാണ് കാറ്റാടിക്കടവ് . ഒരേ ഉയരത്തിലുള്ള രണ്ടു മലനിരകൾ ,ഇതു താണ്ടി മുകളിൽ എത്തിയാൽ കാണുന്ന കാഴ്ച്ചകൾ സ്വർഗ്ഗ തുല്യം, കണ്ണിനു  കുളിർമ്മ നൽകുന്ന  പച്ചപ്പിനെ കോടപുതയുന്നത് എത്ര നോക്കി നിന്നാലും മതിവരുകയില്ല   ഇതിനെ മറ്റൊന്നുമായും വിശേഷിപ്പിക്കാൻ കഴിയില്ല  .മലമുകളിലെ കാഴ്ച്ച്മാറ്റുകുട്ടികൊണ്ടു അസ്തമയ സൂര്യന്റെ കിരണങ്ങൾ ഒരു മങ്ങലോടെ പ്രത്യക്ഷപ്പെട്ടും  എന്നിട്ട് എങ്ങോട്ടെന്നറിയാതെ ഓടിയൊളിക്കും

ഇവിടെ വരുന്ന സഞ്ചാരികളെ കാത്തിരിക്കുന്നത് രണ്ടു മലനിരകൾ ആണ് കാറ്റാടിക്കടവും പിന്നെ മരതകമാലയും .ഇതിൽ നമ്മൾ ആദ്യം എത്തുന്നത് കാറ്റാടിക്കടവിലാണ് അവിടെ  നിന്നും 500 മീറ്ററോളം നടന്നാലേ മരതകമലയിൽ എത്തിച്ചേരാൻ കഴിയുകയുള്ളൂ  .പോകും വഴി നിലം കാണാൻ പറ്റാത്ത താഴ്ച്ചയിൽ ഉള്ള കൊക്ക . അത് ചിലപ്പോൾ മൂടൽ മഞ്ഞിൽ ഒളിച്ചിരിക്കും. .അപകടം കൂടിയതിനാൽ അവിടെ ഇടക്കിടെ കൈവരികൾ നിർമിച്ചിട്ടുണ്ട്

 അടുത്ത കാലം വരെ  മലമുകളിൽ വരെ വണ്ടി എത്തുന്ന റോഡ് ഉണ്ടായിരുന്നു എന്നാൽ കഴിഞ്ഞ പ്രളയത്തിൽ അതു ഒലിച്ചു പോയി . ഇപ്പോൾ കുറച്ചു അകലെ വണ്ടി നിർത്തിയിട്ട് നടന്നു വരണം  ഏകദേശം ഒരു 1.3 കിലോമീറ്റർ

എത്തിച്ചേരാം
തൊടുപുഴയിൽ നിന്നും 30 കിലോമീറ്റർ വണ്ണപ്പുറം കള്ളിപ്പാറ ജംഗ്ഷനിൽ എത്തിച്ചേരും അവിടെ നിന്നും കുറച്ചു കൂടി മാത്രേ വാഹനം പോകുകയോള്ളൂ  പിന്നീടുള്ള ദൂരം  നമ്മൾ നടക്കണം  

ശ്രദ്ധിക്കുക 

മഴയുള്ള സമയങ്ങളിൽ അതിമറന്നു പ്രകൃതി സൗന്ദര്യം ആസ്വദിക്കാൻ നിൽക്കുന്നത് സൂക്ഷിച്ചു വേണം   

കുറച്ചു ദൂരം നടക്കാൻ ഉള്ളതിനാൽ വെള്ളവും ഭക്ഷണവും കരുതുന്നത് നല്ലതായിരിക്കും

രാവിലെയോ വയികുന്നേരമോ  ഇവിടെ സന്ദർശിക്കുന്നതാണ് കൂടുതൽ ഉചിതം അതാകുമ്പോൾ സുര്യനെ അടുത്തറിയാൻ ഒരു അവസരം കിട്ടും 

kattadikkadavu

Country                       India

State                            Kerala

District                        Idukki 

Panchayath                 vannapuram panchayath

pin code                      690542

area code                     04931

Best season to vist kattadikkadavu november to february  

Best time to  vist kattadikkadavu morning and evening

പ്രകൃതിയെ തൊട്ടറിഞ്ഞ് വനപാതയിലൂടെ ഒരു യാത്ര

 

 

റോസ്മല

പ്രകൃതിയെ തൊട്ടറിഞ്ഞ് ഇരുട്ട് മൂടിയ വനപാതയിലൂടെ 12 കിലോമീറ്റർ നീണ്ട ഒരു യാത്ര . കൊല്ലം ജില്ലയിലെ തെക്കേ  അറ്റത്ത് തമിഴ്നാടിനോട് ചേർന്ന് കിടക്കുന്ന വൈൽഡ് ലൈഫ് സാങ്ച്ചറി ആണ് ശെന്തുരുണി .ഇതിനുള്ളിൽ വനത്തിന്റെ മനോഹാരിത ഏറ്റവും കൂടുതൽ പ്രതിഭലിക്കുന്ന ഒരു ചെറിയ സ്ഥലമാണ് റോസ്മല .......... റോസ്മലയെ സഞ്ചാരികൾക്ക് പ്രീയപ്പെട്ടതാകുന്നത്  ത്രില്ല് അടിപ്പിക്കുന്ന കാനന യാത്ര തന്നെ ആണ്

പഴയ എൻ എച്ച്208 ൽ ആര്യങ്കാവ് ടൗണിൽ നിന്ന് 12 കിലോമീറ്റർ വനത്തിലൂടെ ഉള്ള ഒരു യാത്രയാണ് .യാത്ര ആരംഭിച്ചു കുറച്ചുദൂരം കഴിയുമ്പോൾ തന്നെ കിഴക്കൻ മേഖലയിൽ നിന്ന് വ്യത്യസ്തമായ തണുപ്പ് അനുഭവപ്പെട്ടുതുടങ്ങും .തുടക്കത്തിൽ മാത്രമാണ് കുറച്ച് വിടുകളുള്ളത്  പിന്നീട് വനത്തിലെ നിശബ്‌ദതയുടെ  നടുവിലൂടെ ഒരു വാഹനത്തിനു മാത്രം പോകാൻ പറ്റുന്ന ഇരുട്ട് മൂടിയ പാതയിലൂടെ ഉള്ള  യാത്ര ഏതൊരു സഞ്ചാരിയെയും ത്രില്ല് അടിപ്പിക്കുന്ന  ഒരു യാത്ര തന്നെ ആണിത് . ഇടയ്ക്ക്  ഒന്ന് രണ്ടിടത്ത്  റോഡിനു നടുവിലൂടെ അഹങ്കാരത്തോടെ ഒഴുകുന്ന അരുവികൾ ഉണ്ട് ,അരുവി അല്ലെ ഒന്ന് കാലുകഴുകാം എന്ന് വിചാരിച്ചാൽ അട്ടകൾ നമ്മളെ വളഞ്ഞിട്ടാക്രമിക്കും

ഇവിടേക്ക് സഞ്ചാരികൾ അറിഞ്ഞുകേട്ട് വരുവാൻ തുടങ്ങിയിട്ട് ഏതാനും വർഷങ്ങൾ മാത്രമേ ആയിട്ടുള്ളു .ആന ,പുലി ,മ്ലാവ് ,കാട്ടുപോത്ത് തുടങ്ങിയവരുടെ വീടിനുള്ളിലൂടെ ആണ് യാത്ര ചെയ്യുന്നത്  എന്ന ഒരു വിചാരത്തോടെ  വേണം യാത്രചെയ്യാൻ 

റോസ്മല ഗ്രാമത്തിലേക്ക് എത്തുന്നതിനു ഒരു കിലോമീറ്റർ മുൻപ് ഒരു ഫോറെസ്റ്റ  ചെക്ക് പോസ്റ്റ് ഉണ്ട് അവിടെ വാഹനത്തിന്റെ നമ്പറും സഞ്ചാരികളുടെ വിവരങ്ങളും കൊടുക്കണം . അവിടെ എത്തുമ്പോൾ സഞ്ചാരികളെ വരവേൽക്കാൻ നിൽക്കുന്നത് ഏക്കറോളം സ്ഥലത്തു നിറഞ്ഞു നിൽക്കുന്ന കോലിഞ്ചി ആണ് .മൂന്ന് വർഷം കൂടുമ്പോൾ ആണ് ഇത്  വിളവെടുക്കുന്നത്  .റോസ്മലയിലെ പലവിടുകൾക്ക് മുന്നിലും വനത്തിനുളിൽ നിന്നും  ലഭിക്കുന്ന നാടൻ തേൻ വിൽക്കുവാൻ വെച്ചിട്ടുണ്ട് .ഇവിടുത്തെ ആളുകളുടെ പ്രധാന ഉപജീവനമാർഗം കൃഷി ആണ് .ആദ്യകാലത്ത് ഇവിടെ കുരുമുളക് ,ഇഞ്ചി ,ഗ്രാമ്പു തുടങ്ങിയ വലിയതോതിൽ കൃഷിചെയ്തിരുന്നു എന്നൽ വന്യമൃഗങ്ങളുടെ ശല്യത്തെ തുടർന്ന് ആളുകൾ റബ്ബർ കൃഷിയിലേക്ക് മാറി 

ഗ്രാമത്തോട് ചേർന്ന് തന്നെ ആണ് ശെന്തുരുണി ഇക്കോടൂറിസത്തിന്റെ വ്യൂ പോയിന്റ് , ഇവിടേക്കുള്ള പ്രവേശനത്തിന് ഒരാൾക്ക് 25 രൂപയാണ് .ടിക്കറ്റ് എടുത്ത് 200 മീറ്ററോളം നടന്നാൽ വ്യൂ പോയിന്റിൽ എത്താം ഇവിടെ നിന്നുള്ള കണ്കുളിര്പ്പിക്കുന്ന കാഴ്ച ഏതൊരു സഞ്ചാരിയെയും ഹരംകൊള്ളിക്കുന്നതാണ്  കണ്ണെത്താദൂരം നീണ്ടു നിവർന്ന് കിടക്കുന്ന പരപ്പർ ഡാമിന്റെ വൃഷ്‌ടിപ്രദേശം ഡാമിലേക്ക് ഒഴുകിയെത്തുന്ന ശെന്തുരുണിയാറും ഉമയാറും പിന്നെ പതിഞ്ഞഞ്ചോളം ചെറു ദീപുകളും അതിൽ ആർത്തുല്ലസിച്ചു നടക്കുന്ന വന്യമൃഗങ്ങളും .ഇതിൽ പല ദ്വീപുകളും  മനുഷ്യസ്പർശം ഇതു വരെ ഏൽക്കാത്തതാണ്     

ഒരു സമയത്ത് ഇവിടുത്തുകാർ നടന്നും ചെറുവാഹനങ്ങളിലുമായി എത്തിയിരുന്ന റോഡ് ..ഡാം വന്നതോടെ ജലനിരപ്പുയർന്ന് ഇന്ന് ഈ റോസ്മല ആറ്റിൽ മുങ്ങികിടപ്പൂണ്ട് .തുടർന്നാണ് ഇവിടുത്തുകാർ ഒറ്റപ്പെട്ടതും  കാനന പാതയായതുമായ ആര്യങ്കാവ് വഴി യാത്ര ചെയ്യാൻ തുടങ്ങിയത്

വരുന്നവർ ശ്രദ്ധിക്കണ്ടകാര്യങ്ങൾ

ഇരുട്ട് വീഴുന്നതിനു മുൻപ് തിരിച്ചു വരൻ പറ്റിയ രീതിയിൽ വേണം പ്ലാൻ ചെയാൻ . കൊടും വനമായതിനാൽ ഇരുട്ട് വീണു കഴിഞ്ഞുള്ള യാത്ര ദുഷ്ക്കരമാണ്

പോകുന്ന വഴി മുഴുവൻ മൊബൈൽ റേഞ്ച് പ്രതിക്ഷിക്കരുത്

ഫാമിലി ആയി പോകുന്നവർ ആഹാരവും വെള്ളവും എല്ലാം കരുതുന്നത് നല്ലതാ .അവിടെ നിങ്ങൾ ഉദ്ദേശിക്കുന്ന സാധനങ്ങൾ കിട്ടണം എന്ന് ഇല്ല

പോകുന്ന വഴിയിൽ അരുവികളിൽ ഇറങ്ങുവാണങ്കിൽ അട്ടകളെ ഒന്നു നോക്കിയേക്കണം , അട്ടയെ കളയാൻ സാനിറ്റൈസർ തന്നെ ധാരാളമാണ്

പോകുന്ന വഴിയിൽ നിന്നും വനത്തിനുള്ളിലേക്ക് അധികം പ്രവേശിക്കാതെ ഇരിക്കുന്നതാണ് നല്ലതു വന്യമൃഗങ്ങൾക്ക് ഒരു ക്ഷമവും ഇല്ലാത്ത മേഖല ആണ്

 Rosemala

Country               India

State                    Kerala

District                Kollam

pincode               691309

panchayath       Kulathupuzha grama panchayath

Rosemala phone number  1800-425-4747

Rosemala best visiting time  8to5pm 

 

പുരാണ കഥകൾ കേട്ട് പാഞ്ചാലിമേടിലേക്ക് ഒരു യാത്ര

 പാഞ്ചാലിമേട്

ഇടുക്കി ജില്ലയിലെ സുന്ദരമായ സ്ഥലങ്ങൾ ധരാളം ഉണ്ടെങ്കിലും മനസ്സിനും ശരീരത്തിനും ഇത്രയും സന്തോഷവും കുളിർമയും നൽകുന്ന സ്ഥലം കുറവാ എന്ന് തന്നെ പറയാം. സമുദ്ര നിരപ്പിൽ നിന്ന് 3080 അടിയോളം ഉയരത്തിലുള്ള പാഞ്ചാലിമേടിന്റ്റെ വശ്യചാരുത സഞ്ചാരികളുടെ ലഹരിയാണ്   .അവിടുത്തെ മലനിരകളും കോടമഞ്ഞും എല്ലാം  ആരെയും അതിശയിപ്പിക്കും

ഈ മനോഹാരിത തുളുമ്പുന്ന പ്രദേശവും ഇവിടുത്തെ കുളിർമയാർന്ന ഇളം കാറ്റും , സുഗന്ധം പകർത്തുന്ന പുല്ലുകളും ,മറുവശത്തു  സാഹസികർക്ക് മാത്രമായി തുറന്നുവെച്ചേക്കുന്ന ഒരു വ്യൂ പോയിന്റും ,പുരാണ കഥകൾ ഒളിച്ചിരിക്കുന്ന പാറക്കെട്ടുകൾ ,എത്ര വിവരിച്ചാലും മതിവരാത്തത്ര  സവിശേഷതകൾ  നിറഞ്ഞ ഭൂമിയാണിത്

ആരാലും ശ്രദ്ധിക്കപ്പെടാതെ കിടന്ന ഈ സ്ഥലം ഇന്ന്  അടിമുടി മാറിയിരിക്കുകയാണ് .മനോഹരമായ  വലിയ കവാടം ,ഇരുന്ന് സംസാരിക്കാനും കാറ്റുകൊള്ളാനും മാർബിളിൽ തീർത്ത ഇരുപ്പിടങ്ങൾ ,നടക്കുവാൻ കല്ല് പാകിയ വഴികൾ,വെളിച്ചം പകരുവാൻ സോളാർ വഴിവിളക്കുകൾ  

താഴ്വരയിൽ പാഞ്ചാലി കുളിക്കുവാൻ ഉപയോഗിച്ച് എന്ന് കരുതപ്പെടുന്ന ഒരു കുളം ഉണ്ട് ,ഇന്ന് ആ കുളം സൗന്ദര്യവത്കരണത്തിറ്റെ പാതയിലാണ്  ഇവിടെ ഒരുകുന്നിൽ ക്ഷേത്രവും തൊട്ടടുത്ത് തന്നെ കുരിശുമലയും ഉണ്ട് പാഞ്ചാലിമേട്ടിൽ നിന്നാൽ മകരജ്യോതി ദർശിക്കാൻ സാധിക്കും എന്ന് പറഞ്ഞുകേട്ടിട്ടുണ്ട് ,
പാഞ്ചാലിമേട് ഒരു വിനോദ സഞ്ചാര കേന്ദ്രം മാത്രമല്ല കേരളത്തിന്റെ സാംസ്കാരികതയിലേക്കും പാരമ്പര്യത്തിലേക്കും നമ്മെ നയിക്കുന്ന പലതും ഈ പ്രദേശങ്ങളിൽ ഒളിച്ചിരിക്കുന്നുണ്ട് .ശിലായുഗ  സംസ്കാരത്തിന്റെ പല അവശേഷിപ്പുകളും നമുക്ക് ഇവിടെ കാണുവാൻ സാധിക്കും 

 പാഞ്ചാലിമേടിന്റ്റെ ചരിത്രത്തിലേക്ക് ഒരു ഒളിഞ്ഞു നോട്ടം 

അജ്ഞാതവാസത്തിനു തൊട്ടുമുമ്പുള്ള കാലത്ത് പഞ്ചപാണ്ഡവർ പാഞ്ചാലിക്കൊപ്പം ഇവിടെയാണ് താമസിച്ചിരുന്നത് എന്നാണ് കരുതപ്പെടുന്നത് . പാണ്ഡവരുടെ വനവാസ കാലത്ത് പാഞ്ചാലിക്ക് നീരാടുവാൻ ഭീമസേനൻ കുഴിച്ചതാണെന്ന് കരുതപ്പെടുന്ന ഒരു കുളവും ,പാണ്ഡവർ താമസിച്ചിരുന്ന ഗുഹയും ഇന്നും സഞ്ചാരികൾക്ക് കൗതുകമുണർത്തുന്നു .പാഞ്ചാലിമേട്ടിലെ ഒരു കുന്നിൽ സ്ഥിതി ചെയുന്ന ശ്രീഭൂവനേശ്വര ക്ഷേത്രവും മറുകുന്നിൽ സ്ഥിതി ചെയുന്ന കുരിശുമലയും ഈ പ്രദേശത്തെ മതസൗഹാർദ്ദത്തിന്റെയും മാനവികതയുടെയും പ്രതീകമാക്കി മാറ്റുന്നു 

എത്തിച്ചേരാം
കോട്ടയം കുമളി ദേശിയ പാതയിലെ മുറിഞ്ഞ പുഴയിൽ നിന്ന് നാലു കിലോമീറ്ററോളം ദൂരെയാണ് പാഞ്ചാലിമേട് സ്ഥിതി ചെയുന്നത് കോട്ടയത്തുനിന്ന് വരുമ്പോൾ മുണ്ടക്കയം തെക്കേമല വഴിയും ഇവിടെ എത്തിച്ചേരാം 

Country                          India

State                              Kerala

District                          Idukki

Elevation                       940meter

Panchayath                  Peruvanthanam panchayath

Pincode                          685532

Area code                      04869    

Vehicle registration     KL-37 

Panchalimedu best visting time 4 to 6pm

Panchalimedu best visting season November to January  

പരുന്തിനെ തിരഞ്ഞൊരു യാത്ര......

Travel on wheels @Parunthumpara

പരുന്തുംപാറ 

ആകാശം ഭൂമിയെ പ്രേണയിക്കുന്നതിന് ഇടയിൽ തടസമായി നിൽക്കുന്ന ഒരു സുന്ദരിയാണ് പരുന്തുംപാറ .ഇടുക്കി ജില്ലയിലെ പീരുമേട് പഞ്ചായത്തിലാണ് ഈ സുന്ദരിയുടെ താമസം , അകലക്കാഴ്ചയിൽ   പരുന്തിന്റെ തല പോലെ തോന്നിക്കുന്ന ഒരു പാറ  ,എന്നാലും സമുദ്രനിരപ്പിൽ നിന്നും 4700 അടി ഉയരത്തിലാണ് സ്ഥിതിചെയ്യുന്നത് .പാറയിൽ നിന്നും ഘടികാരസൂജി കറങ്ങി വരുന്നത് പോലെ നമുക്ക് പ്രകൃതിയുടെ  മനോഹാരിത ആസ്വദിക്കാം ,അതിനിടെ ഒരു മുന്നറിയിപ്പും ഇല്ലാതെ വീശുന്ന കാറ്റും ,കാറ്റിന് കൂട്ടുവരുന്ന മഞ്ഞും മഴയും ,എത്ര വർണിച്ചാലും  തീരാത്ത അതിമനോഹാരിയാണവൾ 

കാടിന്റെ നിഗുഢ സൗന്ദര്യമുള്ള ഈ ഗ്രാമത്തിലേക്ക് ഇന്ന് നിരവധി സഞ്ചാരികൾ ആണ് എത്തുന്നത്. ചെങ്കുത്തായ പറയിലിടിച്ച് ചിന്നിച്ചിതറി മഞ്ഞ് പറന്നുവരുന്ന കാഴ്ച പരുന്തുംപാറയുടെ മാത്രം പ്രതേകത  ആണ്
 

പരുന്തുംപാറയുടെ  നാൾവഴികൾ

പണ്ടുകാലങ്ങളിൽ സ്രാസിക്കോക്കാ എന്നായിരുന്നു പരുന്തുംപാറയുടെ പേര് , ആ പേരിന് ഒരു  പകിട്ടു പോരെന്നു തോന്നിയ പ്രദേശവാസികൾ പരുന്തുംപാറ എന്ന പുതിയ പേരിൽ വിളിച്ചു തുടങ്ങി ,എന്നാൽ പരുന്തുംപാറ വ്യൂ പോയിന്റ്റിലേക്ക്  പോകുന്ന വഴിയിൽ ഇന്നും  ഒരു മയിൽകുറ്റിയിൽ ഡെത്ത് വാലി എന്നാണ് പേര്

വികസനം വിനോദസഞ്ചാരികളുടെ വേഷത്തിൽ എത്തുന്നതിനു മുൻപ്  എത്ര കഥകളിലെ പ്രേതങ്ങൾക്ക് വേണമെങ്കിലും സുഖമായി വിഹരിക്കുവാൻ തക്കവിധം നിഗുഢതകൾനിറഞ്ഞതായിരുന്ന പ്രദേശമായിരുന്നു  ഇവിടം ,സൂയിസൈഡ് പോയിന്റ് ആണ് പരുന്തുംപാറയുടെ പ്രധാന ആകർഷണം ,
സൂയിസൈഡ്  കൂടിവന്നതോടെ പീരുമേട് പഞ്ചായത്ത്അധികൃതർ ഉണർന്നു സൂയിസൈഡ് പോയിന്റ് ഒന്നാകെ കൈവരി കെട്ടി .അതുവഴി നടന്നുപോകുവാൻ വാക് വേ പണിതു 

 എത്തിച്ചേരുന്ന വഴി 

കോട്ടയം-കുമളി പാതയിൽ പീരുമേട് കഴിഞ്ഞ് രണ്ടു കിലോമീറ്റർ പിന്നിടുമ്പോൾ വലത്തേക്കൊരു വഴി അതിലൂടെ മൂന്നു കിലോമീറ്റർ ഉള്ളിലേക്ക് പോകുമ്പോൾ ആണ് പരുന്തുംപാറ 

Parunthumpara

country                        India

state                            Kerala

district                        Idukki

grama panchayath  Peerumed 

height                         4700 feet

pincode                       685532 

പാവങ്ങളുടെ ഊട്ടിയിലേക്ക് ഒരു യാത്ര

neliyampathi

നെല്ലിയാമ്പതി  

പാലക്കാടിൻറ്റെ വശ്യസൗന്ദര്യം മുഴുവൻ പ്രകടമാക്കി യാത്രക്കാരെ കടുംപച്ച വിരിച്ച കാട്ടുചോലകളിലേക്ക്  കൂട്ടിക്കൊണ്ട് പോകുന്ന, പാവങ്ങളുടെ ഊട്ടി എന്ന് അറിയപ്പെടുന്ന നമ്മുടെ സ്വന്തം നെല്ലിയാമ്പതി 

നെല്ലിയാമ്പതിയെ ഊട്ടിയുമായി താരത്യമം ചെയ്യാൻ കഴിയില്ല .രണ്ടു സ്ഥലങ്ങളും വ്യത്യസ്ത അനുഭവങ്ങളാണ് സമ്മാനിക്കുന്നത് .എന്നാലും കേരളത്തിന്റെ ഊട്ടി എന്ന വിശേഷണം നെല്ലിയാമ്പതിക്ക് തന്നെ ആണ് .
കോടമഞ്ഞും മലനിരകളും തേയിലക്കൃഷിയുമൊക്കെ കാണുമ്പോൾ ചിലപ്പോൾ ഊട്ടിയെ ഓർമിക്കുന്നതുകൊണ്ടായിരിക്കും അങ്ങനെ ഒരു വിശേഷണം .പാലക്കാട് നഗരത്തിൽ നിന്ന് 60 കിലോമീറ്റർ അകലെയാണ് സമുദ്ര നിരപ്പിൽ നിന്ന് 467 മീറ്റർ മുതൽ 1572 മീറ്റർ വരെ ഉയരത്തിലുള്ള ഈ മഞ്ഞു പുതച്ച മലനിരകൾ സ്ഥിതിചെയ്യുന്നത് 

നെല്ലിയാമ്പതി മലനിരകളിലേക്കുള്ള യാത്രയുടെ ത്രിൽ നെന്മാറ ടൗൺ കഴിയുമ്പോൾ തന്നെ ലഭിച്ചു തുടങ്ങും .

വഴിയരികിലെ ഏലത്തോട്ടങ്ങളും കാപ്പിത്തോട്ടങ്ങളും തേയിലത്തോട്ടങ്ങളും കണ്ടു കൺകുളിർന്നൊരു യാത്ര .

ഹരം പകരുന്ന 10 ഹെയർ പിൻ വളവുകൾ ആണ് ഈ റോഡിൽ ഉള്ളത് .നെല്ലിയാമ്പതിയിലേക്കുള്ള യാത്രയിൽ പലയിടങ്ങളിലും താഴ്വാരത്തെ കാഴ്ചകൾ കാണുവാൻ കഴിയുന്ന വ്യൂ പോയിന്റുകൾ ഉണ്ട് .പാലക്കാട് ജില്ലയിലെ വ്യത്യസ്ത കാഴ്ച്ചകൾ നെല്ലിയാമ്പതിയിലേക്കൂള്ള യാത്രയിൽ നമ്മുക്ക് കാണുവാൻ സാധിക്കും .അങ്ങു ദൂരെ പച്ചപ്പട്ടുവിരിച്ചത് പോലെ ഉള്ള നെൽപ്പാടങ്ങൾ .മലമുകളിലേക്കുള്ള യാത്രയിൽ ജൈവകൃഷിരിതി അവലംബിച്ചിട്ടുള്ള ധാരാളം തോട്ടങ്ങൾ കാണാം

താമസം
നെല്ലിയാമ്പതിയിൽ താമസസൗകര്യമുള്ള ധാരാളം ഹോട്ടലുകളും റിസോർട്ടുകളുമുണ്ട് ,നെല്ലിയാമ്പതിയുടെ ഏറ്റവും മുകളിൽ പാലകപാണ്ടി എസ്റ്റേറ്റ് ഉണ്ട് ബ്രിട്ടീഷ് കാരുടെ കാലത്തു പണികഴിപ്പിച്ച ബംഗ്ലാവുമുണ്ട് കൈകാട്ടി എന്ന സ്ഥലത്ത് ഒരു കമ്മ്യൂണിറ്റി ഹാൾ ഉണ്ട് .നെല്ലിയാമ്പതിയുടെ ബേസ് ക്യാമ്പ് ആണ് ഇവിടം .

നെല്ലിയാമ്പതിയുടെ ചരിത്രം
നെല്ലി ദേവതയുടെ സ്ഥലം എന്നാണ് നെല്ലിയാമ്പതിയുടെ അർത്ഥം . കേരളത്തിലെ ആദിവാസികളുടെ വിശ്വാസം ദൈവങ്ങൾ മലകളിലും മരങ്ങളിലും വസിക്കുന്നു എന്നാണ് ഇതിൽ തന്നെ ഒരു കൂട്ടർ നെല്ലിമരത്തിൽ ആസ്ഥാനമാക്കിയ ദേവതയെ ആരാധിച്ചു വന്നിരുന്നു. ആ ദേവതയിൽ നിന്നാണ് നെല്ലിയാമ്പതി എന്ന പേര് ലഭിച്ചത്

 pothundi dam view

country                      India

state                           kerala

district                       palakkad

Nearest town             nenmara &palakkad

vehicle registration   KL-70

height                        467 to 1572 meter

languages                  English , malayalam ,thamil

                                                              

  Nelliyampathi trekking way& view point

  

മാട്ടുപ്പെട്ടി ഡാം കാണാൻ പോകാം

travel on wheels 

 

മാട്ടുപ്പെട്ടി ഡാം

കേരളത്തിലെ ഇടുക്കി ജില്ലയിൽ മൂന്നാറിനു സമീപം ദേവികുളം പഞ്ചായത്തിൽ മാട്ടുപ്പെട്ടിയിൽ സ്ഥിതിചെയ്യുന്ന ഒരു അണക്കെട്ടാണ് മാട്ടുപ്പെട്ടി അണക്കെട്ട് .രണ്ടു മലനിരകളെ ഒരുമിപ്പിച്ചുകൊണ്ടു നിൽക്കുന്ന ഒരു കോൺക്രീറ്റ് ഗ്രാവിറ്റി അണക്കെട്ടാണ് മാട്ടുപ്പെട്ടി ഡാം .പള്ളിവാസൽ ജലവൈദ്യുതപദ്ധതിയുടെ ജലസംഭരണിയാണിത് .

 
അവിടുത്തെ ആവാസവ്യവസ്ഥയെ നിലനിർത്തുന്നതിൽ ഈ കോൺക്രീറ്റ് മതിൽ  വലിയ ഒരു പങ്കാണ് വഹിക്കുന്നത് . ഡാമിൽ നിന്നും വെള്ളം കുടിക്കുന്നതിനായി ധരാളം  മൃഗങ്ങൾ  വരുന്നുണ്ട് ,നമുക്ക് ഭാഗ്യം ഉണ്ടങ്കിൽ നമ്മൾ ചെല്ലുമ്പോൾ കാണുവാൻ സാധിക്കും

ഡാമിന് ചുറ്റും പച്ചപരവതാനി വിരിച്ചതു പോലെ കിടക്കുന്ന വനം അതിനിടയിലൂടെ എത്തി നോക്കുന്ന മൃഗങ്ങൾ ഇതു എല്ലാം അടുത്തറിഞ്ഞു നിശബ്തമായി   കിടക്കുന്ന വെള്ളത്തിലൂടെ ബോട്ടിങ് ചെയ്യുവാനും ഇവിടെ സാധിക്കും 

ചരിത്രം
 ഈ കോൺക്രീറ്റ് അണക്കെട്ടിന്റ്റെ നിർമ്മാണം ആരംഭിച്ചത് 1949 ലാണ്, മാട്ടുപ്പെട്ടി അണക്കെട്ട് 5 വർഷത്തിനുള്ളിൽ പൂർണമായി നിർമ്മിക്കുകയും 1953 ൽ തുറക്കുകയും ചെയ്തു. ഈ അണക്കെട്ടിനായി മൊത്തം 220 ലക്ഷം രൂപ ആണ് സർക്കാർ ചെലവഴിച്ചത്  

Country                               India

State                                   kerala

District                               Idukki

heigth                                 85.34meter

length                                 237.74meter

spillway count                 3 

installed capacity           37.5 MW

Annual generation         284 MU

dam capacity                 55,230,000 cubic meter 

river                                 muthirapuzha

dam under control         KSEB